sipat nga bata

sipat ako nga bata og gikan sa akong pagkahimugso sipat na akong daan maoy reklamo sa akong inahan,
sa puya pa kuno ako mas gusto nako ang totoy ni nanay
kaysa akong bidbiron og tsupon

sa nagkadako na ko misamot akog kasipat
kay kon si nanay og tatay magsugod na og tandaytanday
moiyak man ko og dayon motapad ni nanay
naa pay patulogtulog kon si nanay og tatay
magsugod sa ilang pagpanukod og sukodsukod

sa akong pagkaulitawo sipat lang gihapon ako
manilip sa banyo og gibuhat ang ginabuhat sa
mga sipat nga sama kaninyo.
Isulti ko pa ba ang mga detalye?Dili na seguro.

Gikubalan ang akong mga palad og nauli ang akong tuli,
napaknit ang akong balaanong panit dapit
sa ubos-ubos sa akong pus-on.

Sa dihang naminyo na ako, sipat kuno gihapon ako.
Mao kanay ingon sa akong asawa
og wala misupak ang akong mga kabit.
Sila ang mas nakaila kanako.
Sila ang dapat makaila kanako
og mag kasinabot aron walay gubot
ang kalibotan sa kaulag og...

gugmang haskang daghana og walay paglubad.
Gitubag ko na ang pangutana kon ang usa ka lalaki mahimo bang mahigugma sa daghang mga babaye
og mamahimo ba kini niyang mahalon og dungan
nga walay pag-pihigpihig kon kinsa kanila ang tinood og lunsay
nga gugma.

Tubagon ko pa ikaw sa makapulo.
Pwede.
Pwede lagi.
Matuoron ko kana sa akong mga balak.

Nga gisagulan sa ginagmayng mga bakak?
Scotch on the rocks ba ang imong gustong imnon parekoy?
Nabuak man kuno ang baso nga gilabay sa imong
asawa diha sa imong nawong kagabii. Tinood?