sa sunod nimong damgo karong gabii
inday badi
aron dili kaayo obvious og aron dili masuko
ang ubang characters nga atoa usab
didto nga gustong mopapel
sa imong makalibog kaayo
nga katahom og kahumot
og kainit
sa imong kinabuhi
magtindog ko
isang-at nako ang akong walang kamot sa akong
ulo og akong ihulog ang akong toong kamot sa akong kilid
akong ibalikog ang ang akong hawak
nga morag botelya sa SanMig beer
magpaibog ko sa akong sampot
nga morag duha kaluha nga bulan sa silangan
og sa akong mga paa og sa akong mga tiil
mo-posing ko nga morag si David sa pagtiltil ni Micheangelo
magTalikod na lang ko
aron magpakaaron-ingnon nga wala ako makaila kanimo
og ikaw usab wala makaila kanako
samtang giregla pa ka
og walay makagamit nimo.
No comments:
Post a Comment