gamay pa ako sa dihang ikaw
mibiya kanako
og sa imong kadako
miluhod ka kanako
og imong gihawiran
ang akong bitiis
og miduko ako
sa imong katapusang
pulong
nga ikaw puhon
mobalik da
aron kami imo
na usab
nga panggaon
ugma pa puhon
ugma pa puhon
mao kana ang imong
saad
nga hangtod karon
dili gyod namo
hikalimtan
ang mga labat nga
kawayan
libot sa atong balay
karon nangadugta
na
og bag-o na ang akong
tsinelas
og kapila na akong nagpaalot
sa akong buhok
og namahawa na sila
og nangaminyo
wala pa gihapon akoy
nabati nga nanuktok
sa pultahan
aron mobalik kanamo.
No comments:
Post a Comment