wala sa atong kultura
ang pagpatongpatong
anang mga dagkong bato
busa dili nato kaayo
masabtan nganong
dili gayod mahuman
ang gubat dinhi
sa kalibotan
nganong naay Gaza
nganong pati ang mga dugo
sa mga batang walay buot
ila mang ibubo diha
sa ilang mga agianan
nganong sa lugar diin
natawo ang atong
Ginoo wala naman
nooy mitoo kaniya
og ngano nga kita
usab nagpadayon
sa atong balaanon
nga pagpakaaron
ingnon.
No comments:
Post a Comment