mY secreT ponD

pagkahuman nahinumduman
niya ang mga paghimo sa mga kalipay
si Tiyo Peping sa piano
nagtukar anang honkitonki
og si Tiya Marina nagtagay
sa Tanduay nga gilamogan
og cocacola
misayaw si Nanay og si Tatay
milingkod si Lolo tapad kana Lola
og kami sa akong lima ka
magsoon nanglantaw sa tumang
kasadya
nangaon og bakya
gitusnob sa gatas
si Dodong nga gamay pa dili
manggiolawon
miadto sa tunga og misadsad
sa iyang kaugalingong
mugna

ah, ang mga nangagi nangagi na
apan lami lang usahay
balikan bisag panalagsa

pamugong lang
sa akong kalaay karong adlawa