nakakita na ba og tanga
nga nagbitbit sa iyang mga anak?
diha baya sa iyang likod
gipahaluna ang tanan
niyang mga anak
nga mora siyag
sakayan sa dagat
mao usab kadto
si tatay
sa among kabatan-on
kaniadto
iya kong gipatong
sa iyang liog
og ang akong panglantaw
pagkahabog
iya kong gipaangkas
sa likod sa iyang bisiklita
og ako nagpatuyok
sa akong piraw
gitagbo niya ang kusog nga hangin
og ako wala matandog
sandig diha sa iyang likod
mao usab kadto si tatay
nag-atiman sa akong pagkagamay.
No comments:
Post a Comment