kamatayon sa usa ka magbabalak didto sa layo nga lungsod

i

gipalabi niya nga maalaan
siyang walay pamahaw
kaysa mahibaw-an nilang
nangluspad siya og nakuyapan
kay gibulagan siya sa iyang
asawa nga kagabii mikuyog
sa laing lalaki


ii

og sa dihang namula na
kaayo ang iyang mga mata
og punay og hilak
kaganihang kaadlawon
iyang giingnan iyang manghod
nga gipiskat siya

iii

og niadtong gabii nga
naghilo siya
iyang gisirad-an ang
iyang kwarto
kay matulog kuno siya
kay gikapoy siya
pagsulat og mga balak


iv

ang mga bula sa iyang
baba morag
bulak sa usa ka puti
nga million flower