himaya

sa sayo sa kabuntagon
mibalik na siya sa balay
taplak ang lakra sa himaya
sa iyang panagway og
nakapangutana ang iyang
asawa kon dis-a siya gikan
og nganong mitaplak
ang lakra sa himaya diha
sa iyang agtang?

ang iyang tubag
gikan siya sa kasagbotan
gisulod niya ang kakognan
landong sa kasagingan
ilalom sa kalubinhan
silong sa kamanggahan

misalom siya sa lunhaw
misayaw mitihaya
miundak-undak
mitutok mipahulay
sa mga lunhaw