dili nako gusto ang pagpasakit

dili nako gusto ang pagpasakit kanimo
o kaniya o bisan asa kaninyo og kanila
bisan gani og kinahanglan nga kita usahay pasakitan
aron magmata og makat-on
apan wala nako kana buhata
og nabuhat ko man
pasayloa
kay wala kana nako matuyo

pasayloa ako
kon ugaling nakatugaw man ako sa imong kalinaw
apan ang akong tuyo sa pagbuhat mao lamang ang pagsulat
sa akong mga kasakit og sa ilang pagpasakit kanako
kadtong dili gayod nako malimtan og
kadtong ako na untang gipanglubong sa kalimot didto sa mga lubnganan sa mga nagpakamatay
apan namangon silang tanan og ania nanuktok sa akong pultahan
nakigsulti kanako misulod sa akong mga damgo
og nadungog ko ang imong pag-ingon
nga wala kay labot