bay, ngutana ko nimo bibanggiitan ka man gayod nga pintor sa sugbo
gani imong mga paintings kusog man ang halin bisag mahal kaayo
nganong dili man kuno bastos kon ang nude nga babaye
mamahimo nang usa ka obra maestra sa imong
mga himan og pintura?
para nako god wala may bastos kon atong hunahunaon lang
nga kita man kana nga naghubo nga gihimo sa Diyos
kay bisan gani si Adan og si Eba wala man nagLevis jeans
og wala mang magpalda og magTshirt og magblouse
pag-abot didto sa Paraiso,
bisan gani si Maganda og si Makisig
nga gikan sa liki sa kawayan wala man sab magsweater
og magsaya og mag-gown og magbarong....
palihog sultihi kuno ko unsay bastos og dili bastos
mas bastos seguro kon kobol kaayo ang atong hunahuna
kitid kaayo morag gagmay kaayong agianan dinha sa slum
nga morag mga halas nga kobra nga sa kangitngit didtong lugara
napaakan na hinoon kita sa atong pagkawalay-alamag.
kini siya, bastos ba? o art?
nagmodel ni siya sa mga perlas, dili sa lotion.
ikaw na lay sanina ana. taboni sa pintel pen.
No comments:
Post a Comment