ang panimuyo og ang panimalay
dili baya usa lang ka gamay nga balay
nga atong ibutang sa hawla
og atong tangag-tangagon bisan og asa
og ang atong mga mata dili baya
pod budlat nga dili na lang gayod mamilok
panalagsa og ang atong buhok dili pa usab
baya talagtag og ang akong ulo dili baya
pod usa ka gamay nga patag
nga gitubuan anang mga kahoy nga
talagtag kaayog mga dahon
og ang atong mga ngabil dili baya
usab sa kanunay lang magtak-om
og ang atong mga ngipon nga atong
gitagoan sud sa atong baba dili
baya usab gayod kaayo lig-on
busa magsabotsabot gayod kita
dili kita magpasagad dili kita dali
motoo kay unya dungan kitang mangailad
mangaparot maalaot mabotbot
No comments:
Post a Comment