mY secreT ponD

ang panahon dugay na kaaayo niining kalibotan
sa kagamay sa atong lugar naglisod og tubo
ang mga gutlo

ang mga panghitabo morag kahoy nga mikobol,
mibalikog ang iyang mga sanga paingon sa yuta,
mibaga ang iyang mga dahon,
og ang iyang mga gamot nanglubong pag-ayo diha
sa kinailawman sa atong nataran

wala nay kapaingnan ang panahon sa kalibotan.
ang mga kamot sa orasan naputlan na og mga pako.
og busa makita mo nga kita
nagtuyok tuyok na lang diha sa dako kaayong lingin.

mao kana ang sugilanon sa akong kalaay
sa akong pagkobol,
sa akong pagkunot,
sa akong pagpanaw paingon sa sulod sa akong kasingkasing.