ang paglabay sa mga bato

ang paglabay sa mga bato dali ra kaayong himoon
gitapok mo ang mga bato sa kilid sa imong balay
og kutob sa mga tawo nga wala nimo magustohi
kay kuno lagi sa imong panglantaw
sila ang mga makasasala sa imong limpyo
kaayo nga kalibotan
imo silang gilabay sa mga bato
og ang uban kanila maayong pagkaigo
sa ilang agtang
og tan-awa diha sa imong limpyo kaayo nga nataran
mibanaw ang daghan kaayo nga mga dugo
og karon ikaw gihapon ang mang limpyo niana
gani angay ka usab nga mahadlok
sa mga nagdumot og gustong makabalos
sa imong binuhatan.

Unsaon mag god ikaw man
ang tawong nagpasigarbo nga
ikaw putli nga ikaw walay sala
nga ikaw ang limpyo og kristyano.

Pagkamakalolooy gayod nimo.
Ikaw na lang usa
ang matawag nakong bakakon.