ang kalibog ni joselito

lalaki ba o babaye?

babaye ba o lalaki?

tan-awa kaayo
taas og ibabaw

wala og too
balikbalika

babaye ba gayod?
o basin nalingat ka lang

morag lalaki?

ginadili ang paghikap
tan-aw lang

batia lang.

dulgi. dili ka? hadlok ka?

kon pangotan-on sab nimo
basin og mapikal.

paabota lang ang panahon
sa iyang pagbuswak

apan, nganong interesado ka man?

naibog ka?

o curious lang? apan nganong curious ka man?

nasina ka? o naa kay gitago nga kapungot kaniya.

wala? ok lang.

wala kay lingaw ? sus kasayon ra unta
aron gayod nimo mahibaw-an

unsaon? na wa na koy labot ana.

kaw lay paningkamot nga matubag
nimo ang imong pangutana
nga masulbad nimo ang imong labad.

basin usa lang kana siya
ka optical illusion.

lisod no?

wala nimo matan-aw
ang tunga.