natural lang ang gusto sa amahan
nga sundon gayod siya sa anak
sama ni Tatay
kay siya abogado man
gusto usab niya nga ako
mamahimong abogado
og kon mahimo
mas labaw pa gani katuso
nahinumdom ko
sa gamay pa ako sa dihang dungan
kaming nanglakaw sa usa ka pasiyo
didto sa dalan paingon sa merkado
gipauna ko gamay si Tatay
kay gusto nakong awaton kon unsaon
niya paglakaw
og siya nakaatik og giingnan kong hanggaw
walay pagmahay si Tatay kanako
kay bisan og supak sa akong kabubot-on
akong gituman ang iyang gusto nga akong buhaton
sa dihang siya sa katigulangon namatay
nakita ko ang pahiyom sa iyang kalipay
apan karon sa akong panahon
dili ko na kana buhaton
pagkasumo ba nga hunahunaon
nga kita parehoon
No comments:
Post a Comment