bisan sa kadaghang libro nga akong nabasa
og bisan sa kadaghang nakog nasulat didto
sama sa mga balak og mga love letters
alang kanimo
walay labot pa gani ang
mga essays og term papers
og ang akong
thesis nga gigradohan og 1.0
ni Prof. Gonzales nga dugay na intawong namatay
sa pagpanglood sa mga Heswita
(sa dihang nahubog siya didto
sa folkhouse nga ang tukar
gayagaya si Freddie Aguilar
og amo na lang gani
siyang gibitbit sakay
sa taxi paingon
sa iyang balay
nahingangha ko)
apan ang akong tinood nga kabilin
sa ateneo de davao mao baya
ang akong dili maihap
nga mga pangagho
samtang nag-atubang ko
sa walang bahin sa akong
nawong atubang sa
sementadong
dingding
niadtong blanko ko kaayo
apan wala gayoy
nahibalo
bisag ikaw.
No comments:
Post a Comment