nakita ko ikaw nga usa
ka pula nga rosas nga bag-ong
mibuswak didto sa
tiilan sa usa ka dako
kaayo nga bungtod
sa akong hunahuna
gusto nakong kutloon
ko ikaw diha sa imong
sanga aron akong
dalhon sa akong balay
sulod sa bulsa dap-ig
sa akong dughan
apan sa imong katahom
akong giwakli ang
kamatayon og ako
mibalhin sa imong kiliran
og didto gitanom ko
ang akong mga tiil
kay gusto ako nga
motubo og mobuswak
usab sama kanimo
bisan og ako nasayod
nga kini mahitabo lamang
sud sa usa ka adlaw.
1 comment:
very romantic my friend a la neruda.
Post a Comment