kahilom dayon ang kusog nga pagboto

nagpakahilom ako
sa dugay nga
panahon

pila na ba
katuig?
palihog kuno
ipha

dili pito
dili pulo

sayod ka
nagpakahilom ako sulod sa katorse ka tuig

ikaw ang kilat
ikaw ang mga balod sa panahon sa imong mga bagyo
nga naglamba lamba didto sa pantalan

ikaw ang mga bato nga
nagpatihulog sa imong pangpang
paingon sa ubos nga naghatag og dagko og daghan kaayo nga
mga kisaw sa dagat

imong gidungkal ang akong kilid
wala ako mireklamo
imong gitiltilan ang akong tiilan
wala gani ako milihok
bisan pa sa kasakit sa akong mga bukog
imong gipanitan ang akong mga palad
wala ka kadungog nga ako misayagit
o gani mitingog

karon matulog ka sa usa ka duyan sa hinanok
og ako nga nagpakahilom sa milabay nga katorse katuig

karong tungang gabii
sa kahilom sa bulan og mga bitoon
moboto na.

ugma wala ka na. wala na kamong tanan
nga nagdagmal kanako.