gamay lang nga kahayag ang akong gipangayo kanimo
aron mabuhi ako
sa tumang paglunang sa kangitngit
gamay lang gayod
dili na nako dak-on
sa hamubo lamang nga panahon
akong gipangayo gikan kanimo
ang gamay lamang nga
kahayag sa usa ka
pahiyom
sayod ako nga bisan gamay
nga pagbati
wala kay ihatag kanako
nakasabot ako niana
sayod ka nga ako mobiya na
dalhon ko ang gamay nga kahayag
sa imong pahiyom
paingon sa akong kangitngit
didto ang akong kalibotan
didto moawit ang akong kalag
usa ka kanta alang sa mga patay
sila nga usa lamang ang sala
ang paghigugma kanunay
sa wala mahigugma kanila
sila nga nagpiyong sa kasakit
og nagpapriso sa tumang kangitngit
gugmang matood
gugmang pakyas
No comments:
Post a Comment