mY secreT ponD

Siging tuyok-tuyok

Siging tuyok-tuyok
Sa balay
Og sa nataran
Pagpangita sa akong
Kaugalingon
Nga ingon nila
Nawala.

Nawagtang ako
Og ania
Nangita kanako.

Mora ako og gimino
Akong gibali
Ang akong
Sanina
Aron masumpa
Ang akong
Pagkawala.

Nahikaplagan ko
Ang akong lawas
Daghang
Kulang.

Nanamin ko og daghan
Akog wala
Magustohi: hiwi ang akong
Nawong
Og lambi ang akong baba.

Gihawiran ko ang akong
Kamot.
Kon unsa ako
Mahal ko gihapon kini.