Wednesday, November 12, 2008


Gusto na nako nga mahuman ang wala nako gani masugdi

Ang akong mga kamot
Gustong mokamang
Aron mohikap sa
Imong aping.

Apan
Wala kini nila mahimo.

Mihawid ang akong
Mga kamot
Sa akong kilid ug
Mitago kini sa akong
Mga bulsa.

Gusto unta
apan
Kutob ra diha.

Ang akong mga mata
Ang mipuli ug pag
Lantaw kanimo
Sa kilid sa sakyanan.

Dili kini gustong
Mopiyong apan
Akong gipiyong
Ang akong
Mga pilok nga
Nagpabilin nga
But-an.

Nanilap ang akong
Mga tutok diha
Kanimo apan
Wala kini nahimo

Gusto unta
Haskang gustoha
Unta apan
Miingon ang akong
Dila
Kutob ra diha.

Naglikay ako sa
Kaulaw
Sa kaulag nga
Gilaraw sa akong
Mga tudlo

Nanaad sila nga
Karong gabii
Manago sila
Sa kilid sa mga
Bitoon

Ug andam na silang
Moambak
Diha sa imong
Atubangan

Miduko ako
Ug mitan-aw
Sa mga kuko
Sa imong mga
Tiil.

Gusto unta nako
Kining hagkan
Apan

Ang akong kaulag
Anaa pa diay
Gamayng
Nahibilin nga
Kaulaw
ug kini

Miingon
Ayaw ug sugdi
Ang dili nimo
Mahuman

Kay basin ug
Moboto lang
Hinoon
Ang imong
Nag-alburoto
Nga pus-on.

Kalisud ba
Sa akong
Kahimtang

Pagkaduol mo
Sa akong
Gininhawa

Apan pagkalayo
Mo kanako
Dili man gani
Ka nako
Mahikap bisan
Sa mga kamot
Sa akong
Mga damgo

No comments: