ANG AKONG GAGMAYNG NGA DAMGO
nindot ang akong gagmay
nga mga damgo sa akong kagamay kaniadto
gagmay nga mga alindanaw nga puros mga babaye
naglupad lupad subay sa mga tulay nga bangaw
ilang gisumpay sumpay ang mga puti nga panganod
gagmay nga mga tulay kanimo kanako kanatong tanan
kita nga gustong mabuhi
sa tunga sa kasamok nga atong kanunay nga makita
sa atong mga
nanay og tatay
sa atong lola og lolo
kadtong mga ngipon nila nga mokagot sa kasuko
kon mausik ang usa ka lugas
sa kan-on sa kilid sa imong langking
kahinumdom ka pa ba
sa sako diin ikaw gisulod og dayon
gibitay sa damba didto sa hugaw kaayo nga kusina?
ako ang magpahinumdom kanimo
nakalimot ka kay sa tinood nakuyapan ka
og gusto na nimong dili momata
nauga ang mga luha sa imong aping
og nawala ang tingog sa akong tutunlan.
No comments:
Post a Comment