mY secreT ponD

Buhagay

Inig tapad ko sa
akong nawong
Diha sa imong kilid

Dapit sa ubos sa imong
Kahumot og Kaanyag

Gipangita ko ang buhagay
Sa mga bugnaw nga busay

Gidamgo sa akong baba
Ug dila ang imong

Katam-is, kaaslom,
Kaasgad, ang tanan

Apil na gani ang kapait
Kay alang kanako ikaw

Nga akong gihigugma
Akong salomon akong
Tilaan akong kitkiton

Sa ilalom sa imong mga
Dagat ug suba

Sa pusod sa imong mga
Langob sa ngiob sa

Imong mga kangitngit
Ako ang kabo ug ang
Kahayag ang kainit

Sa imong buhagay
Ako ang dila ug ako

Ang baba ang tilaok
Ang liog ang dughan

Ako, nga kanimo nahigugma
Paimna ako, ako nga giuhaw
Sabta ako, dawata ang akong

Dila. Paaka ako. Kan-a ako.
Tun-la ako tagoi ako

Diha sa lawak sa imong
Kalag.Ako, mibuhagay.