Wednesday, November 19, 2008

ang akong mga higala


ang akong mga higala silang merian, bobong, ekit, antonio, naa pa si donna og si lauro
akong gisulayan og drawing
ang ilang
mga panagway
og
mga lawas

mao mao ra silang tanan
nagpunay og bitbit
og mga talinis nga
mga sundang

kutsilyo
og ang
uban kanila
nagdala pa gani anang
hait
nga atsa

aduna kuno silay
tikbason
og
atsahon
apan
ila pang gihuna huna
og kinsa


naglibog pa sila
sa ilang gusto nga buhaton
sa ilang
kinabuhi
sumala
sa mga hunghong
nga ilang madungog

diha sa tungatunga
sa alimpolo sa
hangin

walay gustong
makigsulti kanila
kay ang ilang mga pulong nanagkurog
kuyog sa ilang mga tudlo
og ang ilang mga mata blanko
nga morag pader sa usa ka bodega
morag mga buta sa udtong tutok

giablihan ko ang pultahan
ang akong dughan alang kanila

gustong mokanta
gustong mosayaw
gustong mokaon
gustong mosuka

nakiglambigit ako
kanila
og akong gisulayan
ang pagpangita ang mata sa utok
nga nanghupong og nagdugo

akong gisulayan og
subay ang hinungdan
kon ngano nga
ang itlog nahimong
tibukok
bisan pa sa mainitong
paglomlom sa
usa ka puti
nga inaan

gisulayan ko og pangotana
ang akong kaugalingon
nganong gibunsalo
ang saging og kamote
sa usa ka umahan nga abono

daghang nangutana
kon ako ba usab
buang sama kanila.

No comments: