sa pipila ka gabii nga wala ka moabot
ang mga dahon sa sapa
usa ka gabii niana
samtang nagpaabot ako kanimo
pipila na ka gabii nga milabay
nga ikaw gianod
sa layo
nahimong mga samin
nahimong mga mata
nga mitutok sa bulan
sa pipila ka gabii nga ako
nagpaabot kanimo
og ikaw wala miabot
ang mga dahon morag
mga panganod nga
kaulanon
ngitngit apan adunay
nanglabay nga mga anino
nga walay tingog tingog
sa pipila ka gabii nga ang
mga dahon nanghilak
nahimo ang usa ka
dakong sapa
didto sa maong lanang
nabuhi ang mga nindot
nga mga bulak
naglutaw gustong
maanod paingon nimo
No comments:
Post a Comment