nagsulat siya og mga balak
kay gusto niya nga dili malimtan
kon ilubong na
sa dihang siya kuhaon na sa hingpit
nindot ang iyang mga gihay
nga gikan sa mga nangmata nga mga puyus
ug ang iyang mga udlot og mga salingsing
mga lig-on
aron gayod dili siya malimtan
nagmugna ang panahon
gihimong mga tuway ang iyang mga gihay
ang iyang mga salingsing mga alambre
og ang iyang mga udlot mga sigay
og gibalhin siya didto sa lapyahan
sa daplin sa baybayon
wala na ang iyang tagoangkan
No comments:
Post a Comment