Monday, November 24, 2008

Tambok nga babaye



Itom ang iyang sandalyas

Mobo siya morag

Katas-on sa among

Cabinet nga butanganan

Og kape og gatas

Daghan na og puti ang

Iyang buhok

Mubo usab morag

Lampaso ang

Iyang mga bangs

Ang iyang blouse

pula nga dunay

rapolsrapols


Ang iyang saya

bukad morag pikak


Nag-antiyohos siya

Sige siyag teks teks

Dayon tan-aw tan-aw

Sa unahan dayon duko

Na pod dayon teks teks

Na pod morag dunay

Gipangita gipaabot

Sa kadugayan misibog

Paingon siya sa punoan

Sa nangka sa kilid sa

Karsada. Nag-iyak.

Dayon og lakaw paingon

Sa estasyonan sa mga

Easyride og habal-habal.

No comments: