ang kinabuhi mora ra baya og duyan
og kita ang iyang giduyanduyan
abi nato og mabalhin kita sa pikas
diin didto ang atong mga damgo
gusto mahimong mga tinood
sa pipila ka gutlo nga kita giduyanduyan
kita nahikatulog og sa atong pagmata
nakit-an nato nga ang mga tanom
dili na ang kaniadto
sa kalit og sa wala damha bisan wala kita
mosibog sa usa ka pulgada
miabot kita sa atong gipadulngan
kitang tanan miabot didto
sa akong pagtan-aw wala baya
bisag usa nga natingala
ngano, og asa, ang natubag mao lamang
ang kanus-a. Og ang tubag, kita, didto sa duyan
nagpauraray, nahikatulog, nahigmata
aron na usab pagsugod sa bag-ong mugna.
No comments:
Post a Comment