sa ibabaw

ang sa ibabaw
mao ang mangita kon asa
ang kasingkasing sa
ilalom
gitagoan

mosalom ka og motunga
aron moginhawa sa makadyot
aron dili ka mamatay
sa kahinam

ibanos-banos mo ang
imong kabasa sa imong mga
dahon sa akong
mga sanga nga gitabonan
sa akong mga sagbot

gipangita mo ang sulbad
sa kagilok
nga ania sa tumoy
sa akong katuskig

moiyak ko
sa tumang kalipay
anang kahaom
sa atong paghigugmaay
malupaypay ka
sa gasa nianang
kahupong

malinawon ang atong
kalibotan
magdamgo kitang duha
sa tumang kahilom

mosalop ang adlaw
motim-aw ang bulan
moawit ang mga bitoon