ang bag-ong haon nga kan-on
ang pinakalaming paminawon
nga awit sa kusina
mao ang inaso sa
bag-ong haon nga kan-on
gikan sa kolon
kanang puti kaayo nga
nilung-ag ni nanay
nga gihapnigan og
dahon sa pandan
pagkahumot!
pagkalamian!
mora kog giduyan
sa langit sa
tumang kalipay
tupad niya
mao ang lima ka
sinugba nga bulad
nga palotpot nga
gasiga ang mga mata
nga nangitom ang panit
kay napagod sa tumang
kasina
No comments:
Post a Comment