Thursday, June 11, 2009

sa gahaguros nga trak


sa gahaguros nga trak
siya misungsong sa
dalan
nagpatunga
og nag-atubang
sa duha ka kahayag
nga napuntirya
diha sa iyang
nawong
wala mamati
sa kusog kaayo
nga syagit nianang
busina
ang dimalas mao
ang makabayad unya
nga nakaligis
kaniya

nagpatara siya
nagpataban sa kusog kaayong
tingog sa bangga
sa naghaguros nga
trak
paingon sa
impyerno
ang langit nga
nagsud-ong
wala gayod batia
bisag
sapirot na lang
nga kalooy

No comments: