nahulog ang baso sa salog
nasangkilan sa iring
nabuak
ang iring midagan
ang mga pagkaon sa lamesa
gidagsa sa daghang langaw
nagpasad ang suka sa iro
diha sa kusina
naay mga bildo nga
makatunok anang dili
makabantay
duna unyay masamdan
ang mga kurtina giabog
sama sa mga lingkoranan
og mga libro nga galaray
maglingkod lang ko
diri dapit sa bintana
adunay moabot nga sakyanan
maghimo og daghang abog
sa dalan
adunay monaog og dayon
mosaka
sangpiton niya ang akong
ngalan
og ako mokuyog
sulod sa usa ka
hinog nga panahon nga
alang lang gayod
kanako
No comments:
Post a Comment