spring bed

squeak: agaak, lagaak, igot, igiik, tigik

sa tanang butang
ning balaya nga gipuy-an sa
atong kabatan-on

ang spring bed lang
ang akong
gihipos isip kabilin
ni lola

kon matulog kog balik didto
madungog gihapon nako
ang atong mga
inagulo

karon nga wala ka na
naghandom ko

apan
segurado ko nga bisan og
mobalik ka pa

dili na gayod mausob
ang dili unta angayan

gusto unta nakong
bisan sa makausa

mopauli ka
og imo akong totukan

gusto lang nakong
tan-awon sud sa imong

kasingkasing kon
wala pa ba natay-an

ang spring bed sa imong
panumduman