Thursday, June 11, 2009

dag-om


oo, nakita ko ang
midag-om nga bukid
ang itom kaayo
nga langit
ang mga kahoy
nga gikuso-kuso sa
hangin
ang mga kilat og
dalugdog nga
inyong gikahadlokan
oo, nakita ko ang
pagsaka sa tubig
sa mga sapa
ang pagpanghupong
sa mga dagkong suba
ang pagkatumpag
sa mga tulay
oo, nakita ko kining tanan
og kamong tanan
mipahawa
mipalayo kanako

kon unsa ang
akong gibati karon
mao kana
ang akong kaisog
sa pagpatara

wala nay bili kanako
ang pagtago
ang tawag sa
mga balay og ang
gisaad nga tabang
sa mga daplin
og sa mga bungtod
balewala na kana
kanako

wala nay pulos
ang tanan
wala nay gahom ang
mga luha
og ang kahadlok
napul-an na kanako

No comments: