nagpaabot ko nga ikaw ang moabre
dugay na
sa maong pultahan
apan wala kini nimo mahimo
natulog usab ako sa dugay na kaayo
nga panahon
nagduhaduha ko nga moabre
wala ako masayod kon unsa ang naa
diha sa nag-ung-ong nga kahayag
ibutang ta nga ang kangitngit
diin ako nagpahipi
dili baya usab kaayo lami
apan mas nahadlok akong mabuta
diha sa imong mga pasalig
kining akong duhaduha
dili ko wad-on
usahay mas nindot ang mga butang
nga walay kaseguroan
makapahiyak sa akong tiyan
makatambol sa akong dughan
makapakurog sa akong mga kamot
anaa ang pag-alipasa
sa kalami nga nakighilawas
anang kahadlok
No comments:
Post a Comment