ayaw kahinawaing
nganong gipatas-an nako ang akong labat
dili kana kabahin kanimo
sa imong paghuboghubog
dili kana kabahin
sa inyong panagbulag
sa imong asawa
dili kini kabahin sa imong
paglabay sa imong katre
diha sa karsada
dili kini kabahin sa
pagkumot nimo sa nawong
sa imong kamagwangang anak
nga babaye
dili kini kabahin kanimo
kabahin kini kanamo
dili ako ganahan anang
gihungihong nga pag-ambak
sa akong pulahon nga inaan
diha sa inyong nataran
kay gustong magpaupa
sa imong abohon nga sunoy
kay ang imong sunoy
nga libot-suroy
walay puangod
walay kalooy
No comments:
Post a Comment