han-ay ang tanansama sa pinilo nga habol
diha sa imong katre
sa sayong kabuntagon
walay kum-ot nga makita
sa bed cover morag dagat
nga walay balod sa bulan
sa Mayo
han-ay ang mga tualya og
mga sabon sa banyo
ang shampoo og ang
conditioner wala
manggiaway
bisan og samok na
kaayo ang imong
kalibotan kay nagkatuagsa
og nangatuali na ang
mga pagbati diha sud
sa imong dughan
han-ay ang mga tissue
diha sa talad-kan-anan
ang mga kutsara og tinidor
giputos sa ilang mga sinina
ang kutsilyo para sa mantikilya
ang tasa og platito nagparis
ang plato nga puti og sinaw
morag mitutok kanato kanang
walay pilok-pilok
ang mantil nga pula
aping nga nagpapula
og ang bandihado nga asul
nga puno sa bag-ong haon nga kan-on
nag-aso-aso nga morag ice nga naghungaw
paingon sa kisame
han-ay ang tanan
mao kana ang akong
nakita dinhi sa atong panimalay
bisan og ang mga dili makita
nagkabalintong nagkamuritsing
nangabuwagsa nangatuali
nagkatuagsa nangabali
nangalumping nangapulpog
nangaputol og dili na masumpay
diha ko nimo bilib inday....
No comments:
Post a Comment