ang akong balak karon

mas mubo pa kini
sa imong pilok
mas gamay pa kini
sa imong tungaw
mas pilit pa kini
sa imong laway
mas asgad pa kini
sa imong kugmo
tam-is gamay sa
imong sip-on
mas kulong pa kini
sa imong bolbol
mas baga pa kini
sa kubal sa imong palad
mas lapad kini
sa imong lapa-lapa
mas tapot kini
sa imong kagid
mas baho pa kini
sa imong tae
mas supak pa kini
sa imong ayuyok
mas hait pa kini sa
imong bangkil
dili hinoon kaayo itom
kay sa imong kinot
mas sabaan kini kaysa
imong utot
dili kini molugnot
sama sa imong kunot



katol kaayo og
makapuling

apan dili kini sili
nga mohalang dayon