Thursday, June 11, 2009
nianang ambisyon nga mosikat og madato
ang kasikat mora usab kanag
pamulitika
kadyot ra
morag hangin nga moabot
og mopanaw rag iyaha
sama anang kadato
pirming busy siging lakawlakaw
siging balhinbalhin
wala kana silay pirmihan kay
dali ra kana silang sumhan
sa usa ka tawo
og lugar
busa kon wala pa kini sila moabot
kanimo
paabota lang
tagai silang duha og saktong panahon
pag-ampo lang
pagpailob lang
kay sa panahon nga mobisita na kana
sila kanimo
dili na gani kana manuktok
moderetso lang kana sila sa imong
lawak, sulod nga walay pananghid
molingkod sa imong silya
bisan og wala imbitaha
akong tambag sama usab sa uban
kon moabot na sila kanimo
ayaw lang pod unta
usba ang imong gawi
ang imong pamatasan
maintain lang
ayaw panggalot ayaw pagpakahimatas-on
kay sayod ka
sa giingon ko na kaganiha
kadyot ra kana sila
mosimhot lang sa imong ilok
og dayon og dalidalig pamahawa
Subscribe to:
Post Comments (Atom)
No comments:
Post a Comment