Sunday, June 7, 2009

ang akong gibuhian

dunay koy nabungat
nga gusto nakong kuhaon
og balik
apan walay pulong
nga moatras
kay sama sa itlog
kon kini mapusa
ang piso
nga mipiyok
dili na gayod matulon
og balik sa
tipakang gabok
duna koy gipagawas
sa akong mga kamot
nga gusto nakong
itago og balik
sa akong mga palad
apan dili na gayod
kini mahimo
wala motugot
ang init nga hangin
og ang adlaw
nakuyapan sa tumang
kaulaw

duna akoy gilabay
sa baybay
og gusto unta nakong
salomon
aron sa balik ako unta
gihapong angkonon
apan nanuyo ang mga
balod
kay lagi bisan sa
ilang pamalaod
dili na gayod kini
mahimo

nakapangutana ako
nganong gibuhian ko man
kadto?

No comments: