alang sa nangawat sa akong balak
sa dihang gikawat nimo ang akong balakang bulan mipahiyom og ang mga bitoon
misamot og kiblat-kiblat didto sa langit
niadtong gabhiona
wala usab nako batia ang kahingawa
o bisan gamayng kagool
nga ang akong balak
imong gisulod sa imong bulsa
gani gikalipay ko uyamot
nga nakasimhot ang akong
balak diha dapit sa akong
mga gitinguha.
dunay nag-ingon nga unta dili nako
pasagdan o
palabyon lang ang maong hitabo
pero sa laing bahin
kon imo gayong gihigugma ang maong balak
hiposa kana,
amomaha, og higugmaa sama sa akong paghigugma niana
masuko unta ko
apan sa laing bahin
gihimo ko man usab kadto alang lang gayod kanimo.
No comments:
Post a Comment