baha sa agay-ay

sa akong pagpangapa sa
dakong wanang sa kangitngit
dako ang akong kalibog
nganong ang akong mahikapan
mao man lang gayod ang
tanang mga gabok sa akong
palibot
nga inig dapat sa akong
mga tudlo
manglapos kini sa
mga uga nga panit sa kahoy
nianang mga bongbong
sa bintana
nianang mga ali sa pultahan
og ikaw nga naghangad kanako
makaligo gayod
nianang baha sa agay-ay

pagkakaadlawon gisaaran
nako ang akong amahan
nga hagbay rang namatay
nga sugdan na nako
ang pag-alili sa tanan
ang pagpuli nianang mga
daan

tawgon ko ang mga puthaw
ang mga yakal
ang mga dili na gayod matunaw
diha sa pangpanglabay
sa mga adlaw