ang arte sa pagsulat sa balak
morag
pagpanguyab, nga samtang
wala ka pa sugta
balik-balikan mo
adlaw og gabii
ang imong debosyon
morag pagpangadye anang
santos
nga hagkan-hagkan
sa kamot sa tiil
pati na gani
ang kiting
ni Nyor Inting
ang arte sa pagsulat sa
balak
anaa sa kada-adlaw
nga pagyawyaw
nga bisan og walay pulong
nga mogawas sa imong
mga ngabil
anaa nagsilsil
nagtabisay ang laway
anang pagsawsaw
sa hilaw kaayong mangga
sa asgad nga
asin
dili baya kini
binuang apan mahimong usa
ka salimuang
halad kini
sa imong Dios nga dugay na nilang
gipapahawa sa
mga simbahan
dili kini mga bulak lamang
o mga amot
labaw pa kini sa
igit nga imong gikumot.
No comments:
Post a Comment