han-ay

han-ay kaayo ang imong mga
giborda, ang mga bulok sa tanod

lunhaw nga sagbot
asul nga dagat
ube nga langit
vanilla nga panganod
chocolate nga yuta
ang mga bulak
puntik puntik nga pula
og amarillo

gusto nimo akong lipayon
diha sa kakugi sa mga
dagom og sa
kamapailobon sa mga
mata og
kamalinawon sa imong
mga tudlo nga
misayaw diha sa
pagborda sa imong
mga awit nga gikan
sa imong kasingkasing

nindot ang mahigugma
gusto nakong balikan unta
apan ulahi na ang tanan
kay ang akong
kasingkasing daw pultahan
sa simbahan nga
nanira na
kay wala nay pari og
og busa wala na usay
misa.