Tuesday, June 9, 2009

ang kabantog

kon kanus-a siya namatay
miabot ang korona
nga halad sa iyang kabantog

gidala kini sa iyang mga

kaaway
dalang bugalbugal
sa iyang wala kaayo makalogdang
nga kinabuhi

mora bag
gipaibog na lang nila ang naghay-ad
nga kabayo
sa daghan kaayong kumpay

samtang ang iyang kalag
nagdungaw sa taas
mikatawa lang

nakapangutana kon
unsa ba ang kauhaw?
unsa ba ang kagutom?

ang mga litse og demonyo
sa iyang kinabuhi
nanayaw bisan og walay
mitugtog
mibuhakhak bisan wala
nay pulong

nagtoo lang gihapon ang mga
hangal
nga siya masakitan

pagkatalampasan sa
kabantog!

No comments: