mga butang sa akong palibot og mga mananap

tigre nga cotton
papel nga isda
leyon nga yakal
dachshund nga plaster of paris
ang akong tinood nga
dachshund nga natulog pa
sa akong kilid
nito nga usa
bata nga nagkalo nga
gikulit sa tugas
parakeet nga porcelain
buddha nga plastic
peke nga jade
dragon nga gold-plated
iring nga de-baterya nga
siging kaway sa iyang kamot
ang akong iring nga bulhog
nga nagmiyaw sa iyang
pamahaw
muppet nga squirrel
butterflies nga patay
nga gi-frame sa glass
panda nga stuffed nga gikan
sa hongkong
sealion nga alugnan
sto. nino nga gamay kaayo
direct from the (closet) queen city of the south
ang cebu

ayaw kalibog
kay dinhi naglamog ang
mga butang sa akong
palibot
ang mga mananap
ang dili tinood nga mga mananap
ang mga pet dog, pet cat, pet bird,
ang mga petpet, pitpit, patpat,
ang mga sulipat, ang mga bungi og ang mga libat

ang mga diyos-diyos
ang mga diyosa og mga dyosadyosa
ang mga santos
dagko og gagmay og mga gamaygamay og mga dakodako
ang mga gustong masantos
ang wala pa masantos
ang naghandom nga sila masantos
madiyos o madyos og medyo medyo
mangita jud og medyos


og ang akong Diyos.
Period (.)(.)