Friday, June 26, 2009

ang imong kinabuhi

modagan ang kinabuhi
sama sa usa ka bata nga naggukod
sa iyang gidulaan nga kariling
og ikaw nga naglantaw
lamang kaniya
mabilin diha sa kilid sa agianan
sud sa imong payag

makita mo ang maong bata
nga naligsan sa tunga sa kalsada
mibanaw ang dugo

og ikaw walay bisag pagpamilok lamang
sa imong mata
nga nabuhat

ang bulak nga nanghumot sa kahaponon
wala'y gisulti kanimo
ang kagabhion hinoon ang napuno sa usa
ka makusog kaayo nga ulan

No comments: