i
kon tinood mo ako nga gihigugma
madungog nimo ang mga tunob
sa mga utitod
nga mikamang paingon
sa akong paa
kay gustong motila
sa tam-is nakong
ihi nga nauga
sa akong
panit
makita nimo ang ilang
agianan
sama sa pagpangita unya
nimo sa abri nga pultahan
paingon sa akong
kasingkasing
ii
midalogdog baya kagabii
og adunay duha ka trak de karga
nga nagbangga diha
tungod sa kurbada
nahubog ang bana ni loreta
og nanglupad ang ilang
mga baso og plato nga
nangabuak sa ilang
nataran nga sementado
giihaw ang kanding nilang patring
og gipalid ang atop nilang adring
sa kakusog sa hangin
kaganihang buntag
lang gyod
morag wala ka may nadungog
nagtanga ka man lang diha
mora man kag
estatuwa ni rizal
No comments:
Post a Comment