KALIBOG ni Moonyen Barbaso

KALIBOG

9/30/07

Naglibog. Naglamog. Naglagot. Nahimuot.

Miingon ka ug let it be resolved

Pero wala pa diay na resolve

Ania na pud. Miduaw na pud

Abi nako ug wala na.

Tagam! Kay nganong gitagna ko pa.

Mao ba niy gitawag nga wala damha?

Gilaay ba o nagmahay ka.

Ngano nagbalik balik pa?

Abi nako ug lalom pero wala diay mituhom.

Gilagit. Nahunit. Giukit sa hait nga pagbaid.

Dili nako masabtan.

Ngano ingon ana ang imong tinan awan.

Molihok. Mohunong.

Motan-aw. Mopahiyum.

Molakaw to and fro

Nakabantay na jud ko.

Unsay imong kahimtang

Nganong wala ka nahimutang?

Aduna bay mga butang nga gusto na ipahimutang?

Unsay buot pasabot, murag naa kay gusto ipaibot.

Abi nimo ug wala ko kabalo?

Sikolohista biya ko.

Gitatakan. Gihiktan. Gihusgahan nga way batasan.

Apan nagtan-aw sa kahanaw

Mura yati’g way hanaw

Naghulat sa pagbuhat

Nga malitok ang makaitok

Ingna lang gud ko. Aron dili na kumplikado.

Milabay ang Segundo, minuto, oras,

Adlaw, semana ug bulan.

Hinaot dili pa maabtan ug tuig sa katiguwangan.

Miabot ang paglamog sa kalaay ug kalibog.

Nalibog na ko.

Motalidgay. Pero mura ug gilaay.

Motutok. Mura na ug gi manok-manok.

Pastilan!

Naglibog ko kung giganahan ba ko.

Naglanog ang mga tingog nga akong madungog.

“Nababato na ang bato.. oooo oow

Si kinsa ang nagbato.. o ooww?”

Mibakay. Kay abi nako ug makalikay.

Pastilan kumplikado Inday.

NAhadlok lang ba ko?

Tubag nila, “intense” matud pa

Di malikayan. Di mapugngan.

Bisan pa ug babagan.

Pangutana:

Du, aduna na bay pulong nga nahulma

Apan wala naistorya?

… dot dot dot kumbaga.

Mabati ba nimo ang akong pagduha-duha?

Kay basin nagpuyo lang ka

Ning balay sa akong huna-huna.

Sa kahadlok nga mag-inusara.

Gilaay. Nagmahay

Ngano ikaw

Ngano dili siya

Pero si kinsa si siya.