matador

samtang anaa pa kanimo ang gahom sa paghatag sa kamatayon ihatag mo kini sa hinayhinay sa usa ka nindot nga paghan-ay sa imong mga espada diha sa iyang abaga hangtod nga malusno na siya moluhod kanimo og sa sayon mamatay halaran ka og bulak sa usa ka maanyag nga dalaga og ang tanang tawo mamakpak kanimo sa imong kaisog og kaabtik ugma ikaw na usab ang mamatay apan dili sa hinayhinay kalit kaayo walay mamakpak walay buwak wala gani pod seguroy moiyak